淨心BB瘀爆哭了

(報章新聞圖片)

話說新聞報導，愛護香港力量(愛港力)在2013年7月9日，遊行抗議美國入侵港人電腦，先去美國領事館示威，美領館方面派出代表，大方接收愛港力負責人陳淨心遞交的請願信。

去完美領館，愛港力就去西環中聯辦，誰知無論愛港力如何高唱國歌，又如何落力搖旗吶喊，中聯辦方面都拒絕派員接收淨心BB的請願信。

瘀爆的淨心BB雙眼通紅、強忍淚水，一度拒絕交出請願信，直至其他成員多番安慰，才能從她手中奪走請願信，貼在中聯辦門外鐵馬上

*****************************

今次真係要俾爆趣

不過又真係幾可憐的，一心博老命為老闆做事，真係正所謂仆心仆命，為的都係想博老闆歡心，博老闆賞識，但點知倒頭來老闆連見都唔見你，呢下又真係幾難受的，難怪心酸得要哭出來

但淨心BB真係捉錯晒老闆的心意，中國今次係斯諾登事件，外交上好明顯避得就避，難得佢離開左香港甩難，你地仲大鑼大鼓咁走去抗議美國入侵香港電腦(中國自己心知肚明，難度中國無？)，況且去到國家外交層面的事，俾我做中聯辦都避之側吉啦，仲出來收信中自己陷阱？

再者，依家政治敏感時期，中聯辦咩信都唔收，竟收愛港力的信，實俾人鬧爆，實俾人話佢地同淨心BB(愛港力)有關係有啦，你真係當你老闆好似你咁傻咁天真ga咩？

愛港力，你今次真係出多左力喇... (笑)
_________________________

延讀：

•   【短片】中聯辦拒收愛港力請願信 淨心BB瘀爆哭了 @ 蘋果日報