先生！你漏左野喎！你漏左份你剛放在車廂地下的報紙喎！

真係唔明點解，好多人係鐵路/巴士上睇完份報紙，臨落車就會好順手咁放係車廂地下﹑椅底﹑或者攝係椅邊... 今日終於有機會讓我教訓下呢d人

話說今早如常搭港鐵東鐵綫返工，我身旁坐著一位中年男子，他全程車都在看報紙。當列車去到九龍塘站，呢位男子要落車，竟然非常順手的把睇完的報紙全份放在地上，然後起身離開

我見狀立即指住地下份報紙，對他說：「先生！你漏左野喎！」

佢呆一呆，回應說：「我唔要ga喇！」

(我就係要你講呢句) 我即變臉：「你唔要就可以放係地下ga喇???」

佢立即好尷尬，一面落車，一面說不好意思，不好意思... 但並沒有取回他丟在車廂地下的報紙

*******************************

說真的，我實在不明白這類人的心態，為何不能帶走自己睇完份報紙呢？

怕弄污雙手？ 在看報紙不是已經弄污了嗎？ 而且弄污了公共車廂便沒問題嗎？

想環保？ 那麼請你帶走，並自行放進廢紙回收箱

想留給下一位乘客？ 謝謝你的好意，但請有禮貌一點，不要讓別人從地上檢回你留下的「垃圾」，或者請索性看完傳給我


請你想一想，當你不願帶走這份報紙，會是誰幫你檢走呢？ 其他乘客？ 我？ 車長？ 清潔人員？

為甚麼你個人的責任，要別人為你去負責和付出呢？

要帶走自己睇完/用完的東西，要把自己的垃圾放進垃圾/回收箱，真係咁困難嗎？ 難道在你兒時，爸爸媽媽和幼稚園沒教你嗎？

請好好反省一下，做真正愛護香港的事！