 |
| (報章新聞圖片) |
昨天希思路機場逐漸重開跑道，加上國泰航空派出加班機，困在英國希思路機場的港人陸續返抵本港，電視上看見焦急的家長們和抵港的兒女紛紛相擁痛哭
 |
| (報章新聞圖片) |
或者我沒有切膚之痛，但只是滯留在一個文明國家的機場內，為何個個好似經歷災難後回港般？
現在英國有戰亂嗎？ 他們生命受到威脅嗎？ 政府還想用包機接他們回來？ 跑道開不到，有多少部包機也沒有用啦!!!
個個外出有私人問題又搵政府照顧，說真的，若果有一天我坐巴士塞車，是否都要搵政府包車俾我，或者要飛行服務隊包機接我回家呢？
此情此境令我想起菲律賓人質事件，人地執返條命仔，都唔知返唔返到來香港
但只係大雪封機場，待跑道和天氣許可，人潮自然可以慢慢疏導，緊張為咩？點緊張都無用ga la!!!
成日話職員幫唔到忙，講真，人地都真係無咩可以幫到，咁多人，幫得邊個，香港人有個hall訓下都已經好好啦，唔通仲要5星級服務咩？
講到尾，都只係緊張返唔返到來做冬，趕唔趕得切回港渡聖誕去玩!!!!!
_____________________
新聞報導話：市民認為事件反映本港「怪獸家長」及「港孩」情況普遍：「依家唔只香港學生，全世界啲人都喺機場瞓地下，又唔係有乜嘢災難，咁緊張做乜？」
也批評學生及家長小題大做，指香港學生抗逆能力太低：「乜都淨係識鬧，去外國學嘢學到咁點成才？家長應該藉呢個機會訓練子女。」，「點解香港父母要過份保護佢哋？送得佢哋去外國，都係想訓練佢哋獨立啫！」
我是絕對認同的， 幸好反而年僅 13歲的女生對今次事件有另一番體會
「要自己處理啲嘢係好唔方便，但係以前乜都係家長安排，今次自己處理，係好寶貴嘅經驗。」
