Home
 

2011年11月27日 星期日

1200人的特首

雖然今屆仍未能全香港人普選特首,而且兩位候選人都係建制派人士,但睇見今日梁振英宣布參選特首的格局和氣氛,總算多了一點選特首的感覺

但一個要管治香港七百萬人的特首,只能由1200個有勢力的人士去"投票"產生,這1200人又不是代表了我們七百萬人的民意,那麼這個特首又怎能讓人民去安心和信服呢?

(電視新聞截圖)

2011年9月5日 星期一

你死你事!!!

今日搭49X由青衣去到沙田,巴士行駛中突然死火,發出燒焦味,更有乘客見到有煙,車長立即開門疏散乘客



 












但巴士停在第三線,第1,2線的車幾乎沒一部停下來,疏散的乘客只能滯留在車門或等紅燈有車停下

若果部巴士真係燒著,根本走唔到,到時真係大件事
 

到疏散完後,車長見有部48X在第2線停下,故欲截停第1線的私家車以安排過車,但那私家車司機聽罷,立即踩油飆走,隨後的車當然沒一部停下來,乘客沒法走過,幫忙過車的48X也只好開走

原來不單不要奢望香港人會有守望相助之心,就連丁點好心也沒有,只有一副
「你死你事,唔好阻X住我」的冷漠

2011年8月2日 星期二

數港人搭車醜態

在報章看到這篇專欄,我覺得實在有需要print出來,張貼係鐵路和巴士的車廂入面,甚至直接派比做緊呢d咁自私的行為的乘客

(網上截圖)



































________________________________

原文轉載:

讓指甲飛

非正式統計,喺公共交通上剪指甲係最令人討厭嘅行為。重點係唔知道對方剪落來嘅指甲,會飛去邊個方向。指甲藏滿細菌,喺公眾地方剪指甲會散播細菌 o架。


打機聽歌

巴士、火車、地鐵,各式各樣嘅聲音提示,已令到人非常煩厭,偏偏仲有人鍾意打開 speaker播音樂、打機,為人多擠逼嘅車廂再添噪音。


柱男柱女

搭地鐵不時都會見到小朋友利用扶手柱作出好多高難度旋轉,滋擾他人。不過啲大人仲衰格,成日都唔理你係唔係已緊握扶手,一嘢成個人挨過嚟,甚至壓住你隻手。


大聲講電話

「你有壓力,我有壓力,你做乜挑釁我呀?」巴士阿叔一夜成名,好多人仲識得背晒阿叔演講全文,其實件事嘅起因,係一個後生仔勸佢講電話細聲少少。


車廂困獸鬥

無論港鐵點樣宣傳都冇用,好多上車嘅人唔等乘客落晒車就逼入去,搞到入面嘅人落唔到車。上到車嘅人為咗方便落車,又唔肯企入啲,搞到出面嘅人入唔到。


表演化妝

港女鍾意喺公共交通表演化妝絕學,唔係搽下唇膏咁簡單,而係喺搖擺不定、人來人往嘅車廂內畫眉、夾眼睫毛、搽睫毛液、擠暗瘡等等,不知幾咁大方得體。


當眾大小便

好多乘客家長對廁所嘅概念,仲係停留喺原始人逐水草而居嘅階段,於是乎小朋友喊住話急屎急尿,就抱佢屙落垃圾桶或者月台下面,好啲嘅就用個膠袋。


一人霸兩位

早輪揚名網絡嘅賜座男,其實只係冰山一角。好多人都鍾意將隨身物品放喺旁邊座位,就算全車滿座,都唔肯拎起,呢種劣行喺巴士比較常見。


飛腳過河

大部份巴士嘅下層後座,座位設計都係面對面,乘客貪舒服,好多時都將對腳放上對面座位,就算對鞋幾污糟都話之你,後一個乘客就領晒嘢。


人肉按摩椅

喺巴士或小巴上,突然感到椅背有一對滑輪移上移落。原來係後座嘅乘客將對膝頭頂住椅背,呢個姿勢睇來幾舒服,但係長遠對脊椎一定唔好,而前座乘客亦都受苦。


2011年7月26日 星期二

溫州動車追撞意外 中宣部的通知

(網上圖片)
2011年7日23月,浙江溫州發生鐵路動車追撞意外,造成40人死亡、172人受傷

事故發生後,搜救行動是否過早結束、恢復通車是否過急、墮地的後車車頭被迅速掩埋、政府控制媒體和司法系統,以及越早簽訂賠償協議得到更多賠償等問題,使中國鐵道部遭到了中國社會各界的質疑。

而且網上流傳了中國中宣部的一份給傳媒的通知:

(網上圖片)
























如果這份通知是真的,我想說:

大陸!!!! 若果妳繼續係咁樣,係永遠都唔會前進GA!!!!

別國的鐵道教授指:「只有在失敗中反覆學習才能取得技術進步。這麼做無助於防止事故再次發生。」

2011年6月4日 星期六

2011.06.04 六四燭光晚會

風裡仍瀰漫冷冷空氣,春雨仍流淚遍布土地,
當我盼望有一天有一天世界永遠優美

__________________________________

今年大會號召89年還未出世的在場青年舉高蠟燭,估不到為數不少,份外感動



2011年5月17日 星期二

扶手柱的親密

在港鐵東鐵線車廂內,她倆互不相識,竟可如此親密,合力背貼背做了一條「柱」女

弄得我和其他乘客在搖晃的車廂內無法緊握扶手,但也不敢打攪她倆

2011年5月15日 星期日

2011年5月14日 星期六

郝鐵川發微博撐國民教育:就是要洗腦

中聯辦宣傳文體部長郝鐵川近日透過微博發表文章,毫不掩飾地指出,香港政府推動德育及國民教育科就是要向學生「洗腦」:

「德育及國民教育不要聽中央政府的,但那還叫做國民教育嗎?」

(報章新聞圖片)





















如果佢地得逞的話,只要我地呢班港英年代出世的"餘孽"死晒,香港就會正式歸順於中央,下一代便不會再有思想

請看看以下這篇評論文章,你就會明白點解中央要推動德育及國民教育科,點解香港人要反對

(網上截圖)

2011年4月17日 星期日

鐵路車廂中的「砰砰砰」

今日搭港鐵東鐵線,車廂內突然傳來連續不斷的「砰砰砰砰...」的射擊遊戲聲,十分煩人

很想溫書的我忍不住走上前問他:「你的手機是否不可熄聲,我覺得很嘈!」

他呆一呆後辯說:「其他人講野夠嘈啦!」然後全程車繼續依然故我地「砰砰砰砰...」...

或者...這一刻你為面子不欲理會,但我相信下次你搭車時會記起今天這事,勾起你做個好心的善意,為周遭受影響的人設想一下,舉手之勞的,可以避免的,便幫幫忙