Home
 

2012年1月29日 星期日

何解我們寬容菲傭,卻「苛待」陸客?

這評論解釋了中港矛盾的徵結所在:

「香港人不寬容陸客,鬧出衝突,原因是陸客的行為準則不符合香港的國民原則,故此我們必須加以限制入境,或入境之後要有特殊旅行安排(如隨團)。所謂國民原則,不是說香港是國家,而是在某種政體管轄區域之下形成的公民權利和公民風俗。此外,就是陸客的背後,拖着一個強大的中共帝國的身影。這個身影,我們覺得可怕,甚至是可恥的,陸客卻總覺得是光榮的。 」


(網上截圖)

2012年1月26日 星期四

港鐵車廂內,請勿飲食

(網上圖片)



內地有網民在微博發起明天集體於港鐵東鐵線進食,聲稱有超過六萬人會參與,以示不滿內地童在港鐵車廂吃麵被罵。

港鐵稱,會透過各種途徑提醒乘客禁止在車站的付費區和車廂內飲食,違例者可被罰款二千元。港鐵之所以成為世界上最清潔的鐵路網絡之一,有賴乘客的通力合作和自律。


這些就是中國人的荒誕和顛倒是否!!!!!!!!!




2012年1月16日 星期一

現代版鐡達尼號

2012年1月13日,巨形郵輪協和號於意大利吉廖島對出擱淺翻側

報導指,船長刻意偏離航道,出事後更沒發出求救信號,更自行棄船逃生;船員也拒絕放下救生艇,亦只救同膚色的人

(報章新聞圖片)














相距一百年前的鐡達尼號,究竟我們地球人的素質,進步了多少?

2012年1月14日 星期六

台灣總統選舉

看台灣總統選舉,比看香港特首"選舉",更加緊張

作為香港人,覺得又可悲又羨慕

(電視新聞截圖)

2012年1月8日 星期日

香港人成功奪回廣東道!!!!

因為D&G店員及海港城保安,日前阻撓及驅趕在該店門外行人路拍照的香港人,觸發全城怒火

今天, 香港人力量癱瘓尖沙咀!!!! 香港人成功奪回廣東道!!!!

(網上圖片)

 

2011年12月12日 星期一

香港簡體化?

報章發現警方在新界部份地區豎立的警告牌只用簡體中文,旁邊未見繁體字對照,被網民質疑是警隊邁向「公安化」;有區議員擔心這是政府溫水煮蛙的「去繁體字行動」,直接破壞香港文化價值

(報章新聞圖片)


















可能我住在北區,較明白點解要用簡體字

因為其實犯例的多數都係大陸人,到警察勸籲/執法的時候,當然大多唔會乖乖就範,更大條道理反指自己睇唔明繁體字;


所以整簡體字,等睇得明的人,就算明知故犯,都無咁大聲抗辯


正如港鐵東鐵線,好早之前已經係頭等和路軌加上簡體字,等佢地唔好行落路軌,唔好走左入頭等扮到自己睇唔到


呢d簡體告示,為左咩人,大家心知肚明,可能我地住北區的人,見得多野蠻人,就會明白多一點

___________________________

延讀:

新界告示牌棄用繁體字  政府簡體化港人
@ 蘋果日報 

2011年12月1日 星期四

花園街縱火慘劇 女住客脫險後埋怨消防

(報章新聞圖片)
2011年11月30日,旺角發生四號火警,花園街排檔遭縱火,火舌沿排檔帆布及簷篷攻上附近大廈,導致9死34傷

據報章報導,有女住客脫險後投訴,999電台及消防員無法即時搶救,甚至曾經叫她在缺乏救生工具情況下,自行逃生

她指:苦候45分鐘,苦候45分鐘,才有3至4名消防員到來搶救,但消防員拯救設備又不足,梯間咁大煙,連氧氣面罩都冇,點走呀?

相關新聞:
女住客脫險後埋怨  有消防冇面罩逃生難
@ 蘋果日報
__________________________

(報章新聞圖片)














點解d人連消防都要鬧!!!!!

人地搵自己條命o黎救你GA!!!!!!

人地自己套裝備都好重,你怨少兩句,可以救多幾個人喇!!!!

我明白你係火場會好亂好急好驚,控制中心的消防唔會知道你現場係咩情況,要唔要走就靠自己判斷啦!!!!

唔好咩都依賴人,唔用腦諗野!!!!

自己條命呀!!!! 靠自己啦!!!! 唔好賴落人地度啦!!!!


有人說,被困火場的市民要依賴消防/警方救助逃生係非常合理

對!!! 要依賴消防/警方救助係好正常,我不是說他們等待救援是不對

但係我覺得...救左你出來,你不單唔信任一個幫你的人,唔感謝一班會為你冒險的人,反而講到人地咩都幫唔到你,咩都做唔到,好似個客咁投訴點解無呢樣無果樣,講到自己比消防員更懂得救人!!!

要知道,火場的環境係好複雜,消防員自己都無可能有求必應,也不是速遞員一叫就到度

的確,或者可能有d地方/程序/設備上可以改善,但救火救人,沒有一本通書睇到老,好多變數,要靠應變,要靠市民的逃生意識&知識,不是按程序ABC做左就叫最好


最後,我其實好簡單,只係想帶出一點:尊重和感謝



2011年11月27日 星期日

1200人的特首

雖然今屆仍未能全香港人普選特首,而且兩位候選人都係建制派人士,但睇見今日梁振英宣布參選特首的格局和氣氛,總算多了一點選特首的感覺

但一個要管治香港七百萬人的特首,只能由1200個有勢力的人士去"投票"產生,這1200人又不是代表了我們七百萬人的民意,那麼這個特首又怎能讓人民去安心和信服呢?

(電視新聞截圖)

2011年9月5日 星期一

你死你事!!!

今日搭49X由青衣去到沙田,巴士行駛中突然死火,發出燒焦味,更有乘客見到有煙,車長立即開門疏散乘客



 












但巴士停在第三線,第1,2線的車幾乎沒一部停下來,疏散的乘客只能滯留在車門或等紅燈有車停下

若果部巴士真係燒著,根本走唔到,到時真係大件事
 

到疏散完後,車長見有部48X在第2線停下,故欲截停第1線的私家車以安排過車,但那私家車司機聽罷,立即踩油飆走,隨後的車當然沒一部停下來,乘客沒法走過,幫忙過車的48X也只好開走

原來不單不要奢望香港人會有守望相助之心,就連丁點好心也沒有,只有一副
「你死你事,唔好阻X住我」的冷漠

2011年8月2日 星期二

數港人搭車醜態

在報章看到這篇專欄,我覺得實在有需要print出來,張貼係鐵路和巴士的車廂入面,甚至直接派比做緊呢d咁自私的行為的乘客

(網上截圖)



































________________________________

原文轉載:

讓指甲飛

非正式統計,喺公共交通上剪指甲係最令人討厭嘅行為。重點係唔知道對方剪落來嘅指甲,會飛去邊個方向。指甲藏滿細菌,喺公眾地方剪指甲會散播細菌 o架。


打機聽歌

巴士、火車、地鐵,各式各樣嘅聲音提示,已令到人非常煩厭,偏偏仲有人鍾意打開 speaker播音樂、打機,為人多擠逼嘅車廂再添噪音。


柱男柱女

搭地鐵不時都會見到小朋友利用扶手柱作出好多高難度旋轉,滋擾他人。不過啲大人仲衰格,成日都唔理你係唔係已緊握扶手,一嘢成個人挨過嚟,甚至壓住你隻手。


大聲講電話

「你有壓力,我有壓力,你做乜挑釁我呀?」巴士阿叔一夜成名,好多人仲識得背晒阿叔演講全文,其實件事嘅起因,係一個後生仔勸佢講電話細聲少少。


車廂困獸鬥

無論港鐵點樣宣傳都冇用,好多上車嘅人唔等乘客落晒車就逼入去,搞到入面嘅人落唔到車。上到車嘅人為咗方便落車,又唔肯企入啲,搞到出面嘅人入唔到。


表演化妝

港女鍾意喺公共交通表演化妝絕學,唔係搽下唇膏咁簡單,而係喺搖擺不定、人來人往嘅車廂內畫眉、夾眼睫毛、搽睫毛液、擠暗瘡等等,不知幾咁大方得體。


當眾大小便

好多乘客家長對廁所嘅概念,仲係停留喺原始人逐水草而居嘅階段,於是乎小朋友喊住話急屎急尿,就抱佢屙落垃圾桶或者月台下面,好啲嘅就用個膠袋。


一人霸兩位

早輪揚名網絡嘅賜座男,其實只係冰山一角。好多人都鍾意將隨身物品放喺旁邊座位,就算全車滿座,都唔肯拎起,呢種劣行喺巴士比較常見。


飛腳過河

大部份巴士嘅下層後座,座位設計都係面對面,乘客貪舒服,好多時都將對腳放上對面座位,就算對鞋幾污糟都話之你,後一個乘客就領晒嘢。


人肉按摩椅

喺巴士或小巴上,突然感到椅背有一對滑輪移上移落。原來係後座嘅乘客將對膝頭頂住椅背,呢個姿勢睇來幾舒服,但係長遠對脊椎一定唔好,而前座乘客亦都受苦。